Тод зураг
Дэлхийн хамгийн үнэтэй зочид буудлын өрөө
Мөнгө л байвал бараг хүссэн бүхнээ хийж болдог ертөнцөд бид амьдарч байна. Таны хувьд 83,200 ам.доллар хэр их мөнгө вэ? Та Женевийн "Hotel President Wilson" зочид буудлын Royal Penthouse Suite -д хоноглохын тулд ийм хэмжээний мөнгө төлөх шаардлагатай. Өөрөөр хэлбэл энэ нь дэлхийн хамгийн өндөр үнэтэй, хамгийн том, хамгийн тансаг зочид буудлын өрөө юм. Гэхдээ зочдод илүү ихийг хүсэх "боломж" тэр бүр гараад байдаггүй гэнэ.
Royal Penthouse Suite –д люкс өрөө гэсэн нэр ч багадна. Яагаад гэвэл энэ нь 12 унтлагын өрөө, 12 угаалгын өрөө, Альпийн нурууг харж болох дээврийн тавцан зэргээс бүрддэг байна. Мөн зочдын ая тухыг үйлчлэгч, тогооч, хувийн туслахууд хангадаг. Үүнээс гадна "Bang & Olufsen BeoVision 4" загварын 103 инчийн хавтгай дэлгэцтэй зурагт, Steinway төгөлдөр хуур, биллиардын ширээ, хувийн бялдаржуулах танхим, хувийн цахилгаан шат, сум нэвтэрдэггүй цонх зэрэг нь Royal Penthouse Suite –ийн тансаг, онцгой байдлыг илтгэнэ.
.jpg)
Тод зураг
Сэлбэ 20 минутын хот
Гэр хорооллыг орон сууцжуулах “Сэлбэ 20 минутын хот” төслийн бүтээн байгуулалт эрчимтэй үргэлжилж байна. Төслийн хүрээнд нийт 113 блок орон сууц барих юм.
Үүнээс 93 блок орон сууц есөн давхар, 20 блок орон сууцыг 12 давхар барина. Өнөөдрийн байдлаар зарим орон сууцны есдүгээр давхрын цутгалтыг гүйцэтгэж байна.
Тод зураг
“Улаанбаатар марафон-2026” олон улсын гүйлтийн бүртгэлийг тавдугаар сарын 1-нд хаана
“Улаанбаатар марафон-2026” олон улсын гүйлтийн бүртгэл хаахад гурав хоног үлдлээ.
Марафонд гүйх оролцогчдыг тавдугаар сарын 1-ний 17:00 цаг хүртэл бүртгэнэ. Оролцогчид Hipay аппликейшн болон ulaanbaatar.marathon.mn цахим хуудсаар дамжуулан бүртгүүлэх боломжтой.
Өдгөө 11 дэх удаа зохион байгуулах гэж буй “Улаанбаатар марафон-2026” олон улсын гүйлтэд оролцохоор өнөөдрийн байдлаар 18 мянга гаруй хүн бүртгүүлээд байна.
Бүтэн марафоноос эхлээд гэр бүлийн болон тусгай ангиллын зай хүртэл долоон төрлийн сонголттой тул бүх насны хүмүүс оролцох боломжтой.
Иймд оролцогчид өөрийн насны ангилал, бэлтгэлийн түвшинд тохирсон зайгаа сонгон, тавдугаар сарын 1-ний 17:00 цагаас өмнө бүртгэлээ баталгаажуулаарай.
Тод зураг
Маргааш нийслэлийн зарим авто замын хөдөлгөөнийг түр хязгаарлана
П.Очирбат агсныг эцсийн замд үдэхтэй холбоотойгоор зарим авто замын хөдөлгөөнийг түр хязгаарлана. Уг үйл ажиллагаа өглөө 6:40 цагаас 3-р эмнэлгээс эхлэх бөгөөд хүндэтгэлийн цуваа 7 цаг 20 минутад Төв шуудангийн замд ирж, 9 цаг 40 минутад үднэ.
Энэ үеэр доорх байршлуудад ихдээ хөдөлгөөн түр хязгаарлах тул иргэд, олон нийтийг хүндэтгэлтэй хандахыг Нийтийн тээврийн бодлогын газраас хүслээ.
-
Үйл явдал2021/02/23
Улаанбаатарт өдөртөө 4 хэм хүйтэн
-
Дэлхий нийтээр..2023/02/08
Т.Аюурсайхан УИХ-ын гишүүн болон ХНХ-ын сайдын албан тушаалаас чөлөөлөгдөх хүсэл...
-
Дэлхий нийтээр..2023/04/11
УИХ: Төрийн албаны ёс зүйн тухай хуулийн төслийн анхны хэлэлцүүлгийг хийнэ
-
Үйл явдал2022/06/17
Улаанбаатарт өдөртөө 28 хэм дулаан