Дэлхий нийтээр..
Иргэд цахилгаан тавиулах, орон сууцаа дулаалуулах хүсэлтээ Ерөнхий менежерт уламжлав
Нийслэлийн удирдлагуудын иргэдтэй хийх уулзалт үргэлжилж байна. Улаанбаатар хотын Ерөнхий менежер бөгөөд Захирагчийн ажлын албаны дарга Д.Ганболд өнөөдөр НЗДТГ-ын Нийслэлийн Үйлчилгээний нэгдсэн төвийн “Дүнжингарав” салбарт иргэдтэй уулзлаа.
Уулзалтад УБЗАА-ны Хотын инженерийн байгууламжийн хэлтсийн дарга Ц.Нямцэвээн, Баянзүрх дүүргийн ЗДТГ-ын Тохижилт, нийтийн аж ахуйн хэлтсийн даргын албан үүрэг гүйцэтгэгч Б.Мөнх-Эрдэнэ, Нийслэлийн Үйлчилгээний нэгдсэн төвийн дарга Б.Ууганбат тэргүүтэй холбогдох албаныхан оролцсон юм.
Баянзүрх дүүргийн 11 дүгээр хороо, Хонхорын Дунд даваа орчимд нутаглаж буй 100 орчим өрхийн төлөөлөл Ерөнхий менежер Д.Ганболдтой уулзаж, өнөө хэр гэрэл цахилгаанд холбогдоогүйгээс амьдралын наад захын хэрэгцээгээ хангаж чадахгүйд хүрсэн тухайгаа өгүүлсэн юм. Хүсэлт гаргасан иргэн Д.Нарантуул л гэхэд Дунд даваанд 15 жил амьдарч байгаа аж. Гэрэл цахилгаангүйгээс хүүхдүүд цахим хичээлдээ хамрагдаж чадахгүй, хоцрогдолд орсныг уулзалтын үеэр хэлсэн юм. Тэд гэрэл цахилгаантай болгохын сацуу газраа өмчлөх боломж олгож өгөхийг давхар хүссэн. Тэдний хүсэлтийг сонссоны дараа Ерөнхий менежер Д.Ганболд “Газраа эзэмшиж, өмчлөх эрхтэй өрхүүдийг гэрэл цахилгаанаар хангахгүй энэ олон жил хүлээлгэх учиргүй. Газрын зөвшөөрлөө аваагүйгээс ийм асуудал тулгарсан байх магадлалтай. Тиймээс би ойрын өдрүүдэд Дунд даваа руу очиж, газар дээр нь ажиллана. Магадгүй Богдхан уулын экологийн коридорт багтсан байх магадлалтай. Байгаль экологийн асуудал бол маш нарийн. Тиймээс нөхцөл байдлыг газар дээр нь үзэж, цаашдын гарц гаргалгааг зөвлөлдье” гэсэн хариу өглөө.
Баянзүрх дүүргийн долдугаар хорооны II байрны “Мандах нар” СӨХ-ны дарга С.Алтантүлхүүр Улаанбаатар хотын Ерөнхий менежертэй уулзаж, байрандаа дулаалгын болон гадна фасадын засвар хийх хөрөнгийг шийдэж өгөх хүсэлт тавилаа. Тус байр нь 1988 онд ашиглалтад орсон, олон жил засвар үйлчилгээ хийгдээгүйгээс цууралт, ан цав үүсэж, өвөлдөө дулаан алдагдалтай болсноос байрны оршин суугчид, тэр дундаа хүүхэд, хөгшид зутарч байгааг дуулгалаа.
Ерөнхий менежер СӨХ-ны даргын хүсэлтийг сонсоод “Орон нутгийн төсвөөс гадна гадаадын хөрөнгө оруулалт, төслийн хүрээнд Улаанбаатар хотын орон сууцны гадна фасадыг шинэчлэх ажил өрнөж байгаа. Энэ жилийн хөрөнгө оруулалтын төлөвлөгөөнд танай байрын засвар, шинэчлэл орсон эсэхийг нягтлаад хариу өгье” гэв.
Нийслэлийн хэмжээнд 1965-2000 онд баригдсан хэдий ч орон сууцны зориулалтаар ашиглаж болох 1077 угсармал орон сууц бүртгэлтэй байдаг бөгөөд тэдгээрт техникийн шинэчлэлийг үе шаттайгаар хийх юм. 2020 онд улс, нийслэлийн төсвийн хөрөнгөөр 73 блок барилгад 11.9 тэрбум төгрөгийн, 2021 онд 53 блок барилгад 12.8 тэрбум төгрөгийн гадна фасадын засвар, дулаалгын ажил хийжээ.
Нийслэлийн удирдлагууд цаашид долоо хоног бүр ээлжлэн иргэдтэй уулзах юм. Нийслэлийн Засаг даргын орлогч болон Ерөнхий архитектор, Улаанбаатар хотын Ерөнхий менежер бөгөөд Захирагчийн ажлын албаны дарга нарын иргэдтэй уулзах хуваарийг Нийслэлийн Засаг дарга бөгөөд Улаанбаатар хотын Захирагч Д.Сумъяабазар баталсан бөгөөд уулзалт хуваарийн дагуу үргэлжилнэ.
Дэлхий нийтээр..
НҮБ дайн үргэлжилбэл дэлхийд өлсгөлөн нэмэгдэх эрсдэлтэйг анхааруулав
НҮБ-ын Дэлхийн хүнсний хөтөлбөр (WFP)-өөс 2026 оны дөрөвдүгээр сарын 16-ны өдөр гаргасан мэдэгдэлд дурдсанаар, Ойрхи Дорнодын бүс нутагт үүсээд буй хурцадмал байдал, ялангуяа Ирантай холбоотой зөрчил үргэлжилбэл дэлхийн хэмжээнд нэмэлт 45 сая хүн хурц өлсгөлөнд нэрвэгдэх эрсдэлтэй байгааг анхааруулжээ.
Энэ талаар НҮБ-ын Дэлхийн хүнсний хөтөлбөрийн Гүйцэтгэх захирал Синди Маккейн анхааруулахдаа, геополитикийн хурцадмал байдал нь дэлхийн хүнсний аюулгүй байдалд ноцтой дарамт учруулж байгааг онцолсон байна.
Тус байгууллагын мэдээлснээр, дайн, зөрчил нь зөвхөн тухайн бүс нутагт төдийгүй дэлхийн хүнсний хангамж, тээвэр логистик, эрчим хүчний зах зээлд шууд болон дам нөлөө үзүүлж байгаа аж. Үүний улмаас хүнсний бүтээгдэхүүний үнэ өсөх, нийлүүлэлт тасалдах, эмзэг эдийн засагтай орнуудын худалдан авах чадвар буурах зэрэг сөрөг үр дагавар нэмэгдэх төлөвтэй байна.
Одоогийн байдлаар дэлхий даяар хэдийнэ олон сая хүн хүнсний хомсдолд өртөөд байгаа бөгөөд дээрх нөхцөл байдал үргэлжилбэл энэ тоо цаашид огцом нэмэгдэх эрсдэлтэйг НҮБ онцолсон байна. Иймд олон улсын хамтын нийгэмлэгийг зөрчлийг намжаах, хүмүүнлэгийн тусламжийг нэмэгдүүлэх, хүнсний хангамжийг тогтвортой байлгахад анхаарахыг уриалжээ.
Шинжээчдийн үзэж буйгаар, геополитикийн тогтворгүй байдал нь дэлхийн эдийн засаг, ялангуяа хүнсний аюулгүй байдалд мэдэгдэхүйц нөлөө үзүүлж байгаа бөгөөд ойрын хугацаанд энэ чиг хандлага үргэлжлэх төлөвтэй байна.
Дэлхий нийтээр..
Хиймэл оюунд суурилсан технологийн хөгжил хурдасч, дэлхийн өрсөлдөөн шинэ шатанд хүрэв
Сүүлийн жилүүдэд хиймэл оюунд суурилсан технологийн хөгжил эрчимжиж, дэлхийн томоохон компаниудын өрсөлдөөн шинэ шатанд хүрлээ. Үйлдвэрлэл, тээвэр, мэдээллийн технологийн салбарт автоматжуулалт, ухаалаг системийн хэрэглээ эрс нэмэгдэж, хүний оролцоог багасгах чиг хандлага давамгайлж байна.
Хиймэл оюуны шинэ үеийн загварууд илүү нарийвчлалтай, хурдтай ажиллах чадвартай болж, их хэмжээний өгөгдлийг богино хугацаанд боловсруулах боломжийг өргөжүүлэв. Энэ нь бизнесийн шийдвэр гаргалтад шууд нөлөөлөх хэмжээнд хүрчээ. Жолоочгүй тээврийн хэрэгсэл, роботжуулсан үйлдвэрлэл бодит хэрэглээнд улам ойртож, туршилтаас хэрэглээ рүү шилжих үе шат идэвхжив.
Нөгөө талаас дата төвүүдийн хүчин чадал нэмэгдэхийн хэрээр эрчим хүчний хэрэглээ өсөж, байгаль орчинд үзүүлэх нөлөөллийн асуудал олон улсын анхаарлын төвд орж байна.
Мөн технологийн энэ хурдац хөдөлмөрийн зах зээлд өөрчлөлт авчирч, зарим ажлын байр буурч, шинэ ур чадварын эрэлт нэмэгдэх нөхцөл бүрдэв.
Иймээс улс орнууд технологийн бодлогоо шинэчилж, инновац, хүний нөөцийн бэлтгэлийг чухалчлах шаардлага улам тодорч байна.
Дэлхий нийтээр..
“Al Jazeera”-гийн сэтгүүлч амь үрэгдсэнд эмгэнэл илэрхийллээ
Газын зурваст ажиллаж байсан Al Jazeera телевизийн сэтгүүлч Вишах Израилын цохилтын үеэр амь үрэгдсэн талаар олон улсын хэвлэлүүд мэдээлж байна. Мэдээллээр, сэтгүүлч Вишах Газын зурваст болж буй үйл явдлыг сурвалжилж байх үед цохилтод өртсөн бөгөөд хамт ажиллаж байсан хэвлэл мэдээллийн ажилтнууд түүнийг эмгэнэн хүндэтгэл үзүүлжээ.
Газын сэтгүүлчид болон хэвлэл мэдээллийн байгууллагууд:
- Сэтгүүлчдийн аюулгүй байдлыг хангахыг
- Сурвалжлагчдыг онилохгүй байхыг
- Олон улсын байгууллагууд анхаарал хандуулахыг уриалсан байна.
Al Jazeera телевизийн зүгээс сэтгүүлчийн амь үрэгдсэнд эмгэнэл илэрхийлж, мөргөлдөөний бүсэд ажиллаж буй сэтгүүлчдийн аюулгүй байдлын асуудал улам ноцтой болж байгааг онцолжээ.
Сүүлийн саруудад Газын зурваст хэд хэдэн сэтгүүлч амь үрэгдсэн талаар олон улсын байгууллагууд анхааруулж байгаа бөгөөд хэвлэл мэдээллийн ажилтнууд мөргөлдөөний бүсэд хамгийн өндөр эрсдэлтэй нөхцөлд ажиллаж буйг тэмдэглэж байна.
Ойрхи Дорнодын нөхцөл байдал хурц хэвээр байгаа бөгөөд Газын зурваст агаарын цохилт, хуурай замын ажиллагаа үргэлжилсээр байна.
-
Хэн юу хэлэв...2020/03/03
Ч.Өсөхбаяр: Шашны чиглэлээр үйл ажиллагаа эрхэлж буй 163 байгууллагад хяналт шал...
-
Дэлхий нийтээр..2024/04/02
С.Батсайхан: Суурьшлын бүс учраас суваг татах боломжгүй, усыг соруулж байна
-
Дэлхий нийтээр..2024/03/18
Бүгд Найрамдах Буриад Улсын Засгийн газраас манай улсад 8 500 тонн хүчит тэжээли...
-
Дэлхий нийтээр..2022/11/01
Иргэн та ЭМД-аараа авсан тусламж, үйлчилгээндээ хяналт тавих боломжтой